肉浦團火鍋放題

营业中

休息中

冬天，食客会流连系唔同嘅火锅店之间，寻找个一啖钟意嘅味道。今次吸引我嘅就系依间好有香港式创意嘅「肉浦团火锅放题」。佢哋唔单止有创意仲有实力，比如汤底都有好多选择，有、青酒味噌卜卜蚬汤、药膳花雕醉鸡、秘制麻辣汤、日式寿喜烧等等，我拣嘅系暖胃嘅胡椒猪肚汤。今次拣咗C嘅无限时套餐，入面包咗好多靓牛肉，最吸引嘅系油脂分布均匀嘅A4和牛牛胸片同埋A4和牛肩胛肉眼，嫩滑嘅口感不愧和牛之名，而澳洲M5和牛牛肩胛同美国安格斯牛版腱、牛背峰、薄切封门柳都非常出色。除咗牛肉靓之外，仲有广岛蚝、虎虾、墨鱼片等新鲜海鲜，同埋好多唔同嘅小食，包括有燕饺、牛肉水饺，韭菜猪肉水饺等等，丰富你嘅选择。肉浦团系正经嘅肉浦团，肉系好食嘅肉，而且仲有个阔落嘅地方可以舒舒服服咁打边炉，一个字：正。