北海拉麵屋 (已結業)

经过呢间日本野，见到人地食紧日式咖哩饭就冲左入去，点知最后都拣左食拉面！叫左个海鲜拉面味噌味($68)加左28蚊要多一个小吃同饮品，要左煎饺子同柚子汁。叫煎饺子既原来除左本身钟意食产外，刚入呢间餐厅既时候见到一部系日本都见过既饺子机，想试下系咪一样咁好味。等左一阵，柚子蜜原来系一支支系出面有得买既果汁！饮落去，好酸，酸到可以加水再沟稀d，麻麻地。  个拉面送黎既时候无咩香味，卖相一般，好似味千拉面个d咁。上面既配料包括有:已没有虾壳既虾一只(唔洗自己拆虾壳好贴心！)，粟米，素鲍，菇类，笋，一粒带子，葱，等。味哙汤一开始食好好味，同个素鲍好夹，但食得多就觉得有d咸。拉面口感普通，个味噌汤加埋七味粉更为好吃。到我好祈待既饺子，个样煎得好靓，净系一边煎到金黄色，好有日本饺子风味。点左小小酱汁，个皮好有咬口，击同一边脆到卡一声既底部，口感更唔一样。比较唔开心既系，咁好味既饺子皮底下既馅料猪肉系无咪味，搞到要点更多酱汁，此为败笔。