影片
更多
2019-01-27
94 浏览
是日又约左朋友食饭，本身都有一舖泰式野食瘾，所以就睇下有边间泰式野好食，就揾到阿来！我去𠮶日都唔少人喺门外排队等入去食，但好彩都唔系等左好耐就入到去！餐厅本身有两层，下层比较有设计啲，楼上就比较简陋，我哋系坐左楼上的。座位之间都比较逼，但唔理咁多，快啲嗌左野食先！事不宜迟，黎个我最爱既生虾刺身先！一路以黎，相比起日式嘅甜虾，我都系比较钟意食泰式嘅生虾刺身。肉质比较爽，又有个酸辣汁吊一吊味，比较岩我口味。呢度嘅生虾刺身好大只，肉质亦都爽口。唯一嘅不足就系辣椒片切得比较厚，如果连埋辣椒片一齐食，辣味就会盖过咗虾嘅鲜味。但系整体嚟讲都好正朋友话好想食金边粉，所以就嗌咗。金边粉炒得干身，花生碎亦都令成个金边粉生色不少。面头嘅虾都好大只，好味道呢个简直系呢一餐最好食嘅嘢！！有起码两只脆卜卜嘅炸软壳蟹，软壳蟹炸得脆口， 无炸过龙亦都冇油益味，超正！！！佢哋用个法包装住啲咖喱汁，食完面头大部分嘅软壳蟹，就可以将法包撕碎点个咖哩汁黎食。法包本身个皮硬硬地，索晒咖哩汁之余食落去仲有少少口感，超级好食！！！！！仲有我去亲泰国餐厅一定会嗌嘅龙眼冰，呢度嘅龙眼冰比较淡，龙眼肉都比较少，但系都系唔错嘅食咗一餐咁
我去𠮶日都唔少人喺门外排队等入去食，但好彩都唔系等左好耐就入到去！
餐厅本身有两层，下层比较有设计啲，楼上就比较简陋，我哋系坐左楼上的。
座位之间都比较逼，但唔理咁多，快啲嗌左野食先！
生虾
11 浏览
0 赞好
0 留言
事不宜迟，黎个我最爱既生虾刺身先！
一路以黎，相比起日式嘅甜虾，我都系比较钟意食泰式嘅生虾刺身。肉质比较爽，又有个酸辣汁吊一吊味，比较岩我口味。
呢度嘅生虾刺身好大只，肉质亦都爽口。唯一嘅不足就系辣椒片切得比较厚，如果连埋辣椒片一齐食，辣味就会盖过咗虾嘅鲜味。但系整体嚟讲都好正
炒金边粉
24 浏览
0 赞好
0 留言
朋友话好想食金边粉，所以就嗌咗。
金边粉炒得干身，花生碎亦都令成个金边粉生色不少。面头嘅虾都好大只，好味道
咖喱软壳蟹法包
13 浏览
0 赞好
0 留言
呢个简直系呢一餐最好食嘅嘢！！
有起码两只脆卜卜嘅炸软壳蟹，软壳蟹炸得脆口， 无炸过龙亦都冇油益味，超正！！！
佢哋用个法包装住啲咖喱汁，食完面头大部分嘅软壳蟹，就可以将法包撕碎点个咖哩汁黎食。法包本身个皮硬硬地，索晒咖哩汁之余食落去仲有少少口感，超级好食！！！！！
龙眼冰
15 浏览
0 赞好
0 留言
仲有我去亲泰国餐厅一定会嗌嘅龙眼冰，呢度嘅龙眼冰比较淡，龙眼肉都比较少，但系都系唔错嘅
食咗一餐咁丰富嘅晚饭，我哋都心满意足地同肚入面嘅软壳蟹一齐返屋企噜！
张贴
