影片
更多
2012-03-28
48 浏览
初听「好乐满」以为系个老细想改番个好意头嘅名，好似「喜运来」呀、「好彩」呀、「福临门」呀……之类，睇番佢啲宣传单张，原来佢系日文嘅中文借音，原文「ホルモン」（HORUMON）取自大阪方言，意思即系「唔要都唔觉可惜嘅废物」，据说就系有位料理大师将啲废弃嘅内脏搞一搞，就成为一类独特美食，仲红遍整个大阪咁厉害。日式烧肉开到其门如市，大阪好乐满又有咩突围杀手锏？就系烧内脏，五花八门，形形式式，虽则一讲内脏就等同胆固醇、脂肪，但世事无绝对㖞，据介绍话部份内脏其实含有天然骨胶原蛋白、丰富维他命，有美肌作用，信不信由你，但见啲内脏咁肥咁滑，反正我就信咗喇，哈哈！其实香港人有都食内脏嘅习惯，猪杂牛杂、乜润物润……日日都大把人排深水埗维记啦，喜欢试新嘢嘅港人应该接受到日式烧内脏。况且，店中几十款选料，都唔系吓吓都系内脏嘅，仲有好多肉类；就算内脏，亦唔系样样肥腾腾嘅，再加上店子亦提供其他非烧肉料理，如炒面、石头锅饭……，所以，一试无妨，唔会真系烧一烧，胆固醇就会跳爆表嘅！况且，见识一下「刁钻」嘅内脏部位，偶一为之，亦都系个有趣饮食经验。为方便附近嘅返工族，星期一至五，急赶嘅午饭时间，只供应午市套餐，有成9
日式烧肉开到其门如市，大阪好乐满又有咩突围杀手锏？就系烧内脏，五花八门，形形式式，虽则一讲内脏就等同胆固醇、脂肪，但世事无绝对㖞，据介绍话部份内脏其实含有天然骨胶原蛋白、丰富维他命，有美肌作用，信不信由你，但见啲内脏咁肥咁滑，反正我就信咗喇，哈哈！其实香港人有都食内脏嘅习惯，猪杂牛杂、乜润物润……日日都大把人排深水埗维记啦，喜欢试新嘢嘅港人应该接受到日式烧内脏。况且，店中几十款选料，都唔系吓吓都系内脏嘅，仲有好多肉类；就算内脏，亦唔系样样肥腾腾嘅，再加上店子亦提供其他非烧肉料理，如炒面、石头锅饭……，所以，一试无妨，唔会真系烧一烧，胆固醇就会跳爆表嘅！况且，见识一下「刁钻」嘅内脏部位，偶一为之，亦都系个有趣饮食经验。为方便附近嘅返工族，星期一至五，急赶嘅午饭时间，只供应午市套餐，有成9款选择，有饭、有面、有乌冬，$39-$65，包茶啡，另外加钱可再配其他嘢。想嚟烧好乐满，一系就闲日夜晚，一系就星期六、日喇。睇番个价位，细细碟嘅内脏或烧肉，都系$28-$58，比起一般日式烧肉相宜，而其他理料就贵少少，不过就大大份丫嘛。
今次有幸成为「好乐满」试食嘅先头部队，除多谢开饭，仲有店方，佢哋唔单止提供多款个名古灵精怪嘅内脏，兼有特色嘅肉类同料理，更揾嚟一对来自大阪嘅搞笑组合Mukoangie嚟介绍吓啲内脏名，Muko（向日生）、Angie小姐久唔久出场且好落力咁搞气氛，虽然中日混血嘅Angie能以广东话尽量翻译，但对于一众唔多识日文嘅食家，感觉都系差少少。就正如老外睇星爷啲戏，我哋晓笑嘅，佢哋未必识欣赏！讲讲环境先，铜锣湾租金超贵就毋容置疑啦，所以，店方亦要地尽其用，枱凳嘅格局以对坐嘅二人位为主，由于下面连接咗煤气喉，所以啲枱系唔郁得，不过，有啲二人位孖住孖住，间接成为四人或六人枱。其实，枱与枱之间都几狭窄，尤其中间位啲枱，加上抽风系统系以上抽式，天花之下竖立一支支抽风筒，多少都令整体空间多咗份焗促感。另外，抽风力度唔多够，就算唔系烧到肥膏出现抢火嘅关系，有时都会出现烟火弥漫嘅情况。此外，啲枱都几细张，放咗个烤炉、酱汁、生菜篮，空位也所余无几，好彩店方特别预备一个三层嘅木架放食物，总算啲食材有掟企！除咗一部位挨墙位，其他都系无得挨嘅方凳位，凳下系个空木箱，专用嚟俾客摆随身物品，算几妥贴。一室鲜橙色，令人感觉几有活力，抽风烟通贴有free WiFi贴纸，提醒你店内可免费自由上网架。
全餐试食，小弟帮佢大致细分为6个回合，头4个系烧烤各款内脏同烧肉，尾两个系一啲店内招牌料理。可能由于小弟生得钢条骨格，对面嘅食家Eva为靓女一名，深觉小弟对内脏、肥肉绝对大把容量配额，所以Eva样样浅尝，剩番嘅就由我包底，OK㖞，我都讲过我大肚能容啫！泡菜、杂绵凉拌
未入正题，先上啲前菜俾大家开开胃。灰黑纹石碗，盛著样子火辣嘅泡菜，虽然小弟唔嗜辣，但都食咗几旧，因为辣得入味，少少酸，确系醒神，为之一震。杂绵凉拌，有大豆芽、木耳丝、酸萝卜丝、芝麻菠菜，几款食起嚟都清清新新，各有不同口感，有腍滑，有爽口，佢哋亦系我一阵食内脏时嘅良伴凉拌！
第1回合：厚切牛脷、猪沙加利、猪尾、牛沙瓜伴柠檬汁依一转系盐烧，所以啲肉都系以盐同芝麻粒轻轻一腌，烧好之后沾沾独家秘制柠檬汁嚟食，已经好够。因为大家都系第一次烧内脏，拿捏时间唔系好识，除Mukoangie讲解过，侍应们更主动帮帮手，加提点一下，稍稍讲解一下食物特性，提点烧法如何、烧多久，等我哋唔晒鸡手鸭脚，足见招呼很到位。
厚切牛脷 – 唔算好厚，烧1分烧就够，质地软腍得嚟有种咬口，牛脷不嬲系我至爱之一。柠檬汁调校过，唔会太酸，但带有清爽柠檬香，配牛脷真系正。
猪沙加利 - 即系猪横隔膜侧，真刁钻，极少接触，色泽深，烧好后几似牛肉，软腍，唔肥，同样点柠檬汁食就OK。
猪尾 – 望落白色一团膏，无谂过猪尾系咁肥，怕食肥嘅人一定望而生畏呀。嚟得试食，就系神风突击队上身。侍应教路，逢系有肥膏嘅，尽量向上，无咁抢火兼咁大烟，了解！烧完之后都仲系感觉好肥，所以，店方另配备嘅「大阪生菜卷套餐」（$38份）就大派用场，包括生菜、葱丝、青椒片，加埋甜辣酱、辣酱，一齐夹住啲猪尾嚟食，去咗啲油腻感之余，味道层次都多样化咗。小弟就有个升级版，就系加埋泡菜、杂绵凉拌同啲烧黄金蒜头，过瘾呀！
牛沙瓜 – 即系牛第四个胃，中环水记招牌之一，唔太陌生。牛沙瓜面面带有一层脂肪，烧好之后，食落好听啲讲就系爽脆、烟韧，个人心声就系恶「0赵」。
第2回合：鸡颈肉、牛小扒、猪软骨伴酱油经过第一阶段，个炉网都黐满肉碎，侍应小姐细心换上新网。不过，此时发觉较入位置嘅位，换网都有啲危险，所以，小贴士系拣位要拣路边位。
依一轮系感觉大家都最赞好嘅一轮，因为3款肉都系肉多膏少嘅部份。相信亦系店方刻意嘅安排，上回合就肚满，依个回合就暖和一下，再下一回合肠肥，等大家对烧内脏有啲新体验得嚟，又唔会食到惊、食到漏。3款肉均以酱油腌过，所以总体而言味道浓郁啲。
鸡颈肉 – 已经去咗鸡皮，切成一条条大肉丝咁款，同食一般鸡肉分吃唔大，系比软嫩滑。
牛小扒 – 有别一般带有好多「雪花」嘅和牛，真真正正嘅细块牛扒，系牛腹位置，肉味浓，腍滑软身又香口，正呀！
猪软骨 – 以酱油腌始终入味好多，除软骨部位比较硬，肉位就非常软熟，加上少少油脂，甘香丰腴。
第3回合：牛小肠、猪吉士伴味噌酱同样，又由侍应小姐换换炉网。由淡到浓，依转出场就系腌味够浓嘅味噌，烧完嘅内脏再点面豉酱，咸中带甜，满口香味。
牛肠仔 – 即系牛小肠，店方仲有牛大肠卖，俾咗个名叫牛肠哥，有缘下次一试。牛小肠嘅肥膏几澎湃，成半吋厚，睇见隔离枱无反转烧，抢火甚劲。又系要包生菜、凉拌嚟食，去去油腻，牛小肠无想中咁韧，又几好食㖞，系肥啲啰。
猪吉士 – 话人够唔够吉士（gutsy），即系够唔够胆，唔知点解佢借用咗当猪胃？口感爽爽脆脆，几得意。试咗咁多款内脏嘢，食得出店家晌处理内脏时清洗得几够，干净，又无臭臊味。
第4回合：特选西冷牛肉涮涮锅又去番净肉嘅烧烤环节，虽然叫涮涮锅，但就唔系水涮，系火涮，不过好虾人烧。因为西冷牛肉切得非常薄，一落烧网好易黐，就算侍应帮手都唔易搞。不过，唔系无晒计，经过第一转嘅失败，再烧时就以红衫鱼煎法嚟对付，唔好急于反转，否则黐住层皮。所以西冷铺上烤网，千祈唔好郁佢，过1分钟转色后，慢慢卷住嚟反，试咗两次都OK，咁就出到块完整嘅特选西冷牛肉喇！
牛肉唔系咩雪花肥牛，油花唔系好多，但胜在肉嫩、牛香满口，大啖大啖咁食，感觉豪气。我见佢餐牌仲有一款叫特大P拖罗，猪颈肉薄切劲大块咁款，相信做涮涮锅都可能几正。
第5回合：好乐满炒面 $52顾名思义，叫得好乐满，即系内脏搭炒面，不过，其实亦系店方自家信心之作。内脏有牛柏叶、牛肚、牛肠，再配上椰菜丝、大豆芽、洋葱，调味带些甜，炒得干身而唔油，颇为惹味，作为临尾垫肚嘅粉面确系个好选择，小弟一个人都食咗成大半碟，哈哈。
第6回合：香辣猪骨薯仔锅 $148依个系店内唯一一款锅物，虽然成百几银，但份量够大锅，4个人先点就合效益啲，之但系，人少可以点个细锅嘅，$88啫。睇佢红油泛面，就算未到四川级别，都唔系嘢少，果然辣得几上喉，唔食得辣嘅我，汤就浅尝半碗够皮喇。锅内材料甚丰富，有薯仔、豆腐、萝卜、唐蒿、大豆芽同猪骨，食咗咁多内脏同肉类，系时候补番多啲蔬菜平衡吓。虽然汤底颇辣，但其他材料应系后加，所以初段食嘅时候唔会太辣，蔬菜质素都几有水准，薯仔趁未腍透，口感仲有少少松化，好够薯味；豆腐软滑豆味浓；萝卜又够晒清甜；所以，整体个锅物都好食，只可惜去到此阶段我都难以以一已之力KO成个薯仔锅，感到有啲不快。
甜品：Billiken雪糕Billiken（ビリケンさん）晌好多日本人心目中嘅吉祥物，系日本公认为考试合格、缔结良缘等嘅幸运之神。依家大阪通天阁观光塔仲有埋供奉Billiken嘅神舍，所以，佢就成为通天阁嘅象征，向佢许愿后再摸摸佢脚板底，愿望就能实现，问你服未？
基于信仰原则，佢脚板我就唔摸喇，凳下张幸运纸卡就更加无谓要啦，不过，有佢唛头嘅雪糕我又唔怕食㖞。由日本空运过嚟嘅Billiken雪糕，店方话雪糕有3款味：云喱拿味、绿茶味同姜味，但今日试到嘅只有云喱拿，睇出一点点云喱拿籽，又食出重云喱拿味，质感有啲似雪葩种沙冰感。食咗咁多热嘢，一杯冰冻嘅雪糕为众食家带来满足嘅凉快感。
题外话/补充资料：
网上资料：牛胃有四个胃室，分别系瘤胃、网胃、重瓣胃和皱胃，其实都系牛杂嘅材料。
- [b]瘤胃[/b]俗称为草胃或毛肚，就系牛杂里嘅牛肚；
- [b]网胃[/b]嘅内壁呈蜂巢状，又叫称为蜂巢胃，即就系金钱肚；好乐满都有供应「蜂巢」；
- [b]重瓣胃[/b]里面有很多瓣膜，亦即是牛柏叶；
- [b]皱胃[/b]又叫做真胃，系真正用嚟消化食物嘅部份，做成牛杂后就称为牛沙瓜或牛伞肚。
牛胃四个部份滋味各有不同，软腍、香滑、爽脆、烟韧，各具特色。
网上资料：依个头尖尖、兜风耳、笑笑口、眼尾上戚、得𠮶三撇头发嘅Billiken幸运神，原来竟然系源于1908年，一位美国女艺术家所创作嘅，其灵感系来自佢梦中所见到嘅神仙㖞，真系有啲估佢唔到。
(以上食记乃用户个人意见 , 并不代表OpenRice之观点。)
张贴
