肚餓了串燒烤焗專門店 (已結業)

早年已经听过亚士厘道嘅肚饿了串烧烤焗专门店，以为热潮会冷却，到埗后见座无虚席，睇嚟食串烧真系无兴唔兴呢样嘢。选择都几丰富，呢次我哋就叫咗几样嘢嚟试。台上面已经放咗一系列调味料，例如系孜然粉、辣粉、黑椒同盐，不过我觉得串烧已经够味，所以都无另外再加喇！叫完嘢食无耐，店员就陆续将啲串烧拎嚟。惹味烧厚切牛舌，的确好似个名咁切得好厚，口感爽口，牛味浓郁。惹味烧安格斯牛柳粒，表面酱汁香，肉质软嫩。两款牛类串烧之中，我比较钟意牛舌多啲，原本仲叫咗串烧京葱牛舌尖，可惜当日已经卖晒无缘一试。脆烧日本鳗鱼，食起上嚟软绵绵咁。蒜蓉烧原条茄子，面层嘅蒜蓉好惹味，不过啲油就比较多。汁烧鸡髀菇，酱汁微咸中带甜味，同埋切成几件，食起上嚟几方便。汁烧秋葵，外层爽脆，入面就有潺滑口感。紫金甜薯串，食啲甜甜哋嘅嘢可以中和一下。黄金薯条，呢个系佢哋嘅名物之一，薯条炸得脆身，表面仲蘸满起沙嘅咸蛋黄，既邪恶又美味。四式烧蚝，分别加咗芝士、黑松露香菇酱、蒜蓉、黄金酱烧成。芝士咸香兼可以拉丝、黑松露香菇酱浓郁、蒜蓉香甜、黄金酱微酸同埋捞咗粟米同蟹柳丝。四款口味各有特色，我比较钟意黑松露香菇酱，不过就将蚝肉本身嘅味道盖过。冬阴公汁