肚餓了串燒烤焗專門店 (已結業)

入嚟到餐廳見到好多人都嗌啤酒，仲要喺我哋枱隔離都有吉嘅啤酒樽，仲要好有特色，係粗口啤。😋燒芝士蟹子玉子份量比我想像中多，但係略嫌啲玉子唔夠滑。😋鹽燒牛舌牛舌嘅厚度啱啱好，所以會燒得好Juicy。😋燒豬頸肉豬頸肉份量都好多，而且仲燒得好入味，係用咗少少沙嗲汁去燒。😋原條鰻魚一開始見到原條鰻魚仲以為會係好細條，但係嚟到原來都幾大條，但係啲肉質就冇平時嘅鰻魚咁滑。😋汁燒原隻魷魚燒魷魚都燒到啱啱好，唔會overcook。😋黃金薯條就咁睇都見到好多鹹蛋黃喺啲薯條附近，但係因為鹹蛋黃太碎所以好難黐實喺條薯條度，變咗好似分開食咁。😋蒜蓉茄子蒜蓉茄子基本上係串燒必食嘅野，但係餐廳喺燒嗰陣落得太多油，有少少似油浸茄子。😋粗口啤(西)好欣賞手工啤酒嘅味道，因為係藥材味，而我今次揀咗嘅係當歸味，啤酒除咗有本身嘅麥味之外仲有好濃嘅當歸味。