肚餓了串燒烤焗專門店 (已結業)

一直都想去呢间食下串烧，今次终于同班朋友夹到时间一齐去食。原来呢到系系大厦入面，好似有啲神秘感咁。入到去，地方唔系好大。大部份系高枱，都有啲食串烧同倾计饮酒既feel，墙壁上仲挂住左好多酒。睇下个Menu几乎全部都系串烧，难怪个名都叫做肚饿了串烧，唔通食完真系会肚饿感「全消」哈哈首先，系珍宝帆立贝。每个帆立贝都几乎有一个$5银咁大，烧到半生熟，味道很鲜甜。四式烧蚝，分别系黑松露酱、芝士金黄酱、蒜蓉同芝士。每款都各有特色，不过我比较钟意食黑松露酱，呢个有好香嘅黑松露味同蘑菇香。呢个烧鸡泡鱼干好惹味，味道咸咸地，烟烟韧韧，啱来做𩠌酒嘅小菜芝士烧大虾，呢个大虾好长，几乎有一把间尺咁长。芝士味好浓，好惹味，虾肉真系好爽口同鲜甜。蜜糖烧鸡翼，呢个鸡翼皮嘅面头充满些蜜糖味， 好似自己去BBQ烧嘢食咁， 不过入面肉味就冇乜味啦。秘制牛舌饭，每片牛舌都切得好厚身，酱汁好惹味，加埋芝士落去焗，更加开胃！最后，叫咗个四式烧带子，呢个我就比较钟意食芝士黄金酱汁，佢系芝士酱加埋少少沙律酱再加埋粟米同蟹柳同带子一齐去焗，味道酸酸甜甜好开胃！