安安燒 (鯉景大廈) (已結業)

上次去完煮打菜之后, 发现原来筲箕湾都真系几多好野食。今次黎到而间叫安安烧既串烧店,装修都几企理, 比一般串烧店坐得舒服, 当然冷气要足喇, 因为好多串烧店都要坐室外, 大热天时都真系几难顶。讲番野食先, 烧韭菜同焦糖脆蕃茄处理的好好, 唔会烧到干憎憎, 食落口都有汁,因为烧蔬菜类好易烧到干哂水, 烧个时要要KEEP 住补水。焦糖既甜同脆同蕃茄既酸同谂好夹。我地都点左个招牌三重芝士捞丁, 唔同其他捞丁得块卡X芝士, 而到真系落足3只唔同品种, 食落去啖啖都有芝士。我地特登叫左烧多春鱼, 多春鱼好难烧得靓, 因为佢熟左好易痴住个炉同散开。而到烧得唔错, 成条完整唔会散开。其他如烧鸡子,羊架, 麻辣牛骨髓,鸭下巴同沙茶烧金菇都整得好有心机 。烧鸡子特登又大至细串起, 羊架唔会过熟, 麻辣令到本身无咩味既牛骨髓更加惹味。本身鸭下巴都岩送酒, 烧过之后更加香口。差D唔记得讲, 食串烧点少得啤酒, 而到除左有大路既啤酒之外, 仲有日本既手工啤, 大家记得试下。