深夜食堂 (已結業)

睇完戏，6点未够，但又唔想番屋企煮饭。所以就去塭食，尖沙咀话细唔细，要由一点行到去另一点，无半个中都绝对唔得。所以就近近地去左全个尖沙咀最集中有好嘢食嘅厚福街。又未饿，所以就选左呢间网上评分唔错的串烧店，一串串甘食，唔使迫自己食到甘饱。见拒有个牛肉黑松露鹅肝饭好似好吸引甘，但系又见到大阪烧㖞。好难决择。。最后得胜的系大阪烧。即叫即整的大阪烧十分厚身，热辣辣。除左有椰菜之外仲有大大粒嘅八爪鱼夹喺中间，够晒丰富。烧牛舌虽然系薄切，但咬落又好爽口，入面一d都唔干，几好。露荀猪肉卷系值得推荐的，外面搽左特别的酱汁，咸咸地，又有d日本风味。咬落去有肉嘅香，还有露荀的清香。鸡肾一碟有两寸，每一粒都有五毫子咁大，咬落去爽身，完全唔会韧，外边仲有豉油汁包住，咸咸地几好。除左有室内的位置之外，会有埋露天嘅位置。想露天谈下心，饮下嘢都系一个唔错嘅选择。仲有中意饮清酒嘅话98蚊任饮，值唒票价。