影片
更多
2008-01-07
62 浏览
寻日肥妹个阿妈（即系未来外母）比佢家姐（即系未来家姐）坤咗出荃湾听个Ｄ健康饮品锁售讲座, 佢家姐仲买咗成几千蚊所谓补充骨胶原粉状冲剂, 仲好叻话比我听每包成三十蚊o架, 唉... 我都唔明呢D咁嘅嘢而家都仲有人信...佢家姐比人坤完之后,就上咗嚟我屋企, 坐咗一阵跟住就出咗去食晚饭喇.今次肥妹介绍咗间印度餐厅, 都好近屋企, 就即管去试吓啦!四个人坐的士, 十五蚊唔洗跳标, 唔洗五分钟就到咗Heritage Indian Restaurant翡翠印度餐厅.一坐底, 正如其他印度餐厅一样, 先送上印度威化饼伴两种sauce同吃, 一种系差唔多间间印度餐厅都有供应嘅青BB 辣辣sauce, 另一种我同肥妹都系第一次见同试嘅, 味道酸酸甜甜, 肥妹话有D似姜醋味㖞, 我都觉系, D印度威化饼脆卜卜, 好松化, 点埋D sauce又甜, 又酸, 又有D辣, 好好食, 转个头已经比我哋扫青光了.系食威化饼嘅同时, 我哋就睇吓餐牌睇吓有乜嘢正嘢食.好快就决定咗叫乜喇, order咗三个set, 另外再散叫多一客果仁咖哩杂菜o添.每一个set都包咗一件杂菜咖哩角, 一客主菜跟饭或烤饼, 同埋一杯饭品
佢家姐比人坤完之后,就上咗嚟我屋企, 坐咗一阵跟住就出咗去食晚饭喇.
今次肥妹介绍咗间印度餐厅, 都好近屋企, 就即管去试吓啦!
四个人坐的士, 十五蚊唔洗跳标, 唔洗五分钟就到咗Heritage Indian Restaurant翡翠印度餐厅.
一坐底, 正如其他印度餐厅一样, 先送上印度威化饼伴两种sauce同吃, 一种系差唔多间间印度餐厅都有供应嘅青BB 辣辣sauce, 另一种我同肥妹都系第一次见同试嘅, 味道酸酸甜甜, 肥妹话有D似姜醋味㖞, 我都觉系, D印度威化饼脆卜卜, 好松化, 点埋D sauce又甜, 又酸, 又有D辣, 好好食, 转个头已经比我哋扫青光了.
系食威化饼嘅同时, 我哋就睇吓餐牌睇吓有乜嘢正嘢食.
好快就决定咗叫乜喇, order咗三个set, 另外再散叫多一客果仁咖哩杂菜o添.
每一个set都包咗一件杂菜咖哩角, 一客主菜跟饭或烤饼, 同埋一杯饭品, 饭品可以拣tea or coffee($68), 芒果奶昔($78)或者印度啤酒($88), 我哋全部叫晒芒果奶昔.
而主菜就拣咗茄汁烩鸡, 印度烩嫩羊肉, 同埋玛沙拉鱼件.
先嚟杂菜咖哩角, 热辣辣, 外皮香脆, 里面有咖哩薯仔同青豆, 闻就可以闻到好香, 但食落又好似味道淡咗D, 肥妹话要点D酸酸甜甜似姜醋嘅sauce会好食D㖞!
呢个系茄汁烩鸡, 呢个sauce好浓, 一贯印度风味, 茄味好浓郁, 酸酸尾尾, 好开胃, 呢个一D都唔辣嘅.
而呢个系印度烩嫩羊肉, D羊肉好鲜嫩, 又够滑, 炆得好淋, 而D汁系有D辣嘅, 用NAN点嚟食一流.
仲有玛沙拉鱼件, 呢个系比较辣嘅, D咖哩汁嘅味道同羊肉𠮶种系完全唔同嘅, 个汁相对嚟讲系冇咁浓, 而D鱼肉系有骨嘅, 不过我唔食鱼, 所以唔知道D鱼好唔好食, but肥妹阿妈(肥妈)话D鱼应该系雪藏𠮶㖞, 不过肥妹就话唔识分.
最后要介绍嘅系果仁咖哩杂菜, 呢个系一D都唔辣, 甜甜哋, 有薯仔, 杂菜, 提子干等等, 食咗以上三种咁浓味嘅𩠌, 呢个相对比较清新, 冇咁漏, 有D中和作用.
食咖哩梗系唔可以小得NAN同饭啦, 由其是D NAN, 热辣辣新鲜出炉, 有面粉嘅香味, 完全能够吸引晒D咖哩汁, 真系冇得顶; 而碟饭真系好大碟, 我哋一行四人都食唔晒.
食咗D咁浓味又辣嘅食物, 饭番杯冻饮真系正晒, 呢杯芒果奶昔真系好正, 以为会好甜, 佢又味道啱啱好, 甜度适中, 带有小小芒果嘅天然酸味, 好有芒果味, 再加上乳酪嘅独特酸味, 真系好好饮.
最后梗系要试吓D印度甜品啦, 叫咗一客鲜奶芝士球, 果然冇估错, D印度甜品真系好鬼死甜, D奶真系好甜, 应该似练奶多过鲜奶, 另外个芝士球𠮶种质感好似D隔夜面包咁, 干干硬硬咁, 咬落去就feel到入面又好多气孔, 完全能够索晒D鲜奶, 不过我真系食唔到有芝士味, 系就系几特别, 不过我就唔系好识欣赏喇.
张贴
