影片
更多
2021-04-08
79 浏览
肥姑姐饮食推介 - 星加坡叻沙 / 咸蛋黄鸡翼 / 马来拉茶1）环境卫生喺东港城商场新开嘅《咖吔》虽然地方细细，但装修富星马特色，而且餐厅更播放马拉/星咖坡特色的老歌，俾人一种好似去咗当地旅行嘅感觉。呢种类型嘅轻食餐厅好啱朋友同埋家庭嘅聚会。2）食物质素 星加坡叻沙 - 今日点咗星加坡叻沙，卖相一般，同menu有好大距离，但汤底好浓味，富椰奶坚果香，虽然份量唔算大，但材料每样都算足，有一碗米线，大虾两只，豆卜两个，炸鱼蛋四粒（有少少唔正宗，因为星加坡食嘅喇沙系用白鱼蛋），鱼片丝，芽菜，流心蛋半只，仲有旺菜。一路食呢碗喇沙， 一路觉得好似食紧喺星加坡食嘅喇沙嘅味道，真系好想疫情快啲过，有得去星加坡旅行。咸蛋黄鸡翼 - 呢个小食比我预期中略为失色，首先鸡翼真系超级细只，鸡翼有炸过所以几香口，另外包裹鸡翼嘅咸蛋黄酱太稀仲好湿下，如果再炒干少少会比较好，其次讲下咸蛋黄酱，唔知点解今次嘅咸蛋黄酱完全唔咸，系淡的，而且仲带些微嘅苦味，可能真系咸蛋唔靓啦。应该唔会再点呢个食物。（同我当年喺星加坡食嘅咸蛋黄炒蟹中嘅咸蛋黄酱真系差好远）马来拉茶 - 真系完全唔好饮，吐司工房嘅出品都俾佢好好多。首先呢杯茶
肥姑姐饮食推介 - 星加坡叻沙 / 咸蛋黄鸡翼 / 马来拉茶
1）环境卫生
喺东港城商场新开嘅《咖吔》虽然地方细细，但装修富星马特色，而且餐厅更播放马拉/星咖坡特色的老歌，俾人一种好似去咗当地旅行嘅感觉。
呢种类型嘅轻食餐厅好啱朋友同埋家庭嘅聚会。
2）食物质素
星加坡叻沙 - 今日点咗星加坡叻沙，卖相一般，同menu有好大距离，但汤底好浓味，富椰奶坚果香，虽然份量唔算大，但材料每样都算足，有一碗米线，大虾两只，豆卜两个，炸鱼蛋四粒（有少少唔正宗，因为星加坡食嘅喇沙系用白鱼蛋），鱼片丝，芽菜，流心蛋半只，仲有旺菜。一路食呢碗喇沙， 一路觉得好似食紧喺星加坡食嘅喇沙嘅味道，真系好想疫情快啲过，有得去星加坡旅行。
咸蛋黄鸡翼 - 呢个小食比我预期中略为失色，首先鸡翼真系超级细只，鸡翼有炸过所以几香口，另外包裹鸡翼嘅咸蛋黄酱太稀仲好湿下，如果再炒干少少会比较好，其次讲下咸蛋黄酱，唔知点解今次嘅咸蛋黄酱完全唔咸，系淡的，而且仲带些微嘅苦味，可能真系咸蛋唔靓啦。应该唔会再点呢个食物。（同我当年喺星加坡食嘅咸蛋黄炒蟹中嘅咸蛋黄酱真系差好远）
马来拉茶 - 真系完全唔好饮，吐司工房嘅出品都俾佢好好多。首先呢杯茶嘅茶味唔浓（饮多几啖系饮得出佢系用唔同嘅茶叶嘅），而且佢落嘅奶亦都好奇怪，虽然口味嘅嘢系人人唔同，但系今次我唔系第一次饮马来奶茶，但依杯绝对系我饮过最难饮嘅。
3）价格
星加坡叻沙 - HK$82 （味道OK，略贵，性价比低）
咸蛋黄鸡翼 - HK$$68/4只 (完全唔好食)
马来拉茶 - HK$28 (完全唔好饮)
(另收加一服务费）
4）再惠顾指数👉🏻
张贴
