龍閣

营业中

休息中

朋友推介特价手切靓牛肉龙阁火锅，黄埔站开左一排都未入过去揾食，今晚一收工就入去会一会佢。本以为系黄埔做街坊生意，一睇见装修都知系走高端路线，见到原价$298 肥牛减到$60 一碟 即入！上菜唔快，等左一轮我地都心急，尤其牛肉黎得最慢。但一黎d 食材非常有料到，即时冇晒火。叫左萝卜猪骨汤，猪骨足料好入味。鱼皮唔系市面上果d 硬到咬唔开果d, 好香脆。牛肉先系主打，做紧两周年特价，原价$298 家阵$60 一碟大大碟冇变细到。先叫左手切肥牛，一黎见到雪花纹已经哗左一声，再睇真d 佢d 刀工，用左鱼片双飞切法，难怪咁耐先上，真系手工料。厚度刚刚好，就算煮耐左都唔会韧，味道更系香浓。另叫牛肉拼盘，牛展，牛脷及牛柳都非常好食。桶蚝唔系细细只果d, 系劲大只！（用水樽对比下，煮完都成只鲍鱼咁大只，而且好鲜甜。其实食物都系水准内，冲住牛肉黎，亦冇令人失望，反而喜出望外。下次要带屋企人黎食多左。