一品活蝦 (已結業)

丫妹超中意食虾, 每逢见到有虾嘅菜式都定必order。近期系社交平台无意中得知尖沙咀开咗间主打不同口味嘅活虾餐厅, 听闻仲系台湾过江龙人气店, 更令人急不及待相约去食返餐。踏入餐厅, 墙上霓虹灯反照, 加上天花板挂著多个红灯笼, 什有特色。自行扫QR code落单, 每款口味嘅虾都有大小size份量之分, 不过香港店暂时只有六款口味供应, 包括: 胡椒虾、盐呛虾、酸辣虾、奶油虾、麻油虾、三杯虾, 全部跟足台湾制作秘方泡制。而虾以外嘅款式就唔算多, 饮品方面, 餐厅不提供饮用水, 所有饮品都需要收费。每款口味嘅虾都以呢个银色筒摆放上台, 【胡椒虾 (大) 】HK$298每只虾都超肥美脤卜卜, 虾头亦充满甘甜虾膏, 虾肉扎实弹牙, 附于虾壳外嘅胡椒香味浓郁, 微辣惹味, 令鲜味更提鲜不少。【黄金薯条】HK$48薯条虽然唔系香脆果种, 但每条都平均有咸蛋黄黏附, 淡淡嘅咸蛋黄香, 送酒很不错。【干煎中卷】HK$138原只鱿鱼筒煎过上台, 甘味爽滑, 但嫌鱿鱼骨未有预先去除。【椒盐啤酒浆花枝丸】HK$48花枝丸外层微脆, 口感弹牙, 带有花枝粒, 有层次, 又食到花样嘅鲜甜。