莆田 (已結業)

又到哆头蛏子嘅季节，以前食过莆田嘅药膳蛏子一直对其鲜味念念不忘，今日经过马鞍山莆田，就入去寻鲜啦⋯⋯坐低先黎壶菊花茶，清香而无硫黄味，上品；跟碟菜脯小食，味道淡淡的，呢餐饭唯一有食净嘅就系佢！两条友仔叫左八样野，原本坐二人枱，后尾张枱放唔晒拉埋隔离张枱俾我地用。讲返d野食，叫左扁肉汤，好似超迷你版嘅鱼皮饺，皮有点烟un，馅有肉嘅鲜香，好味！四小并（猪肠好味唔肥，猪皮冻略嫌有点淋身，紫菜酸酸地好开胃，豆腐略逊卤得过咸）小人食可以叫嘅。跟住就系今晚主角莆。田。蛏。子。，看图就知道佢嘅肥美，铁板盐焗嘅做法保留到蛏子最原有嘅鲜味，真心推介！冰爽酒糟做法系好食嘅但个人较喜欢铁板盐焗。咸香黄花鱼可以用七个字形容，皮脆肉嫩骨松化，除左粒鱼石食唔到外，全部皮骨肉都食晒。半生熟嘅醉蚶，蒜头加埋c蚶真系好正，处理得好好有鲜味又唔会血淋淋，冒著肚疴嘅风险都值得。紫菜焖饭，食完一轮鲜味野难免比下去，相信单独叫系好食的。最后发现无叫菜咪又叫多个虾苗伴头水紫菜，上菜至醒觉四小并已有，哈！虽然好味但每碟份量真系太少！