廣隆行

营业中

休息中

寻晚临放工，朋友打电话黎话好想食大闸蟹，就即兴去左广隆行买！我都系第一次帮衬呢间舖头买蟹，以前就去九龙城永富，但上星期去永富买过一转，七百几蚊斤但断「扛」既蟹，觉得唔抵食～　上黎openrice 见呢间几多好评，就去试下～收工后七点半去到舖头，同舖头阿伯（老板？）讲明要最大既公蟹同埋雌蟹，佢就拿拿临打开个竹笼，拎左四只大公蟹出来，仲遂只放上磅比我睇，只只都有7.5 两！跟住另一个阿婶就入舖后面，拎左两只大雌蟹，大约 6 两一只～　总共6只蟹，$480 一斤，公乸同价，盛惠 $1200因为蟹大，所以返屋企蒸左 25 分钟，打开蟹后真系不得了！先讲只雌蟹，打开中间一大旧橙红色既膏，一啖咬落去，好味到唔记得左影相！除左肥美，蟹膏仲好清甜，同之前买既贵价所谓「阳澄湖」蟹味道唔同～　到食只公蟹，更加不得了！劲多白膏，ｄ膏仲多到漏出黎！下次一定要再帮衬呢间买蟹！