鱻88日本料理 (已結業)

第一次到访，环境舒适。刺身好新鲜喔鱼皮沙律，好得意，无谂过可以用炸鱼皮整沙律，鱼皮好香脆。沙律就系普通沙律菜。 今日order左好多鳗鱼产品，有鳗鱼天妇罗同埋鳗鱼蒸年糕，用天妇罗方式整鳗鱼都几好食，唔会太肥太油鳗鱼蒸年糕都几特别，我本身钟意食年糕，虽然少左鳗鱼味，但汤汁丰富，夹埋一齐食好好味，年糕口感烟韧，值得一赞。 食鳗鱼宴点可以错过鳗鱼饭，有两大旧鳗鱼，好香口，鳗鱼肥美，好好食喔但饭既口感相对失色。 食完仲有个饭后甜品，海鳗玉子蛋糕，系有姜味既海绵玉子蛋糕，好有创意。 另外，员工服务态度友善殷勤。整体来说，值得大家一试。