漁吉海鮮丼專門店 (已搬遷) 新店位置

九龙城一向都多野食呀啦喇，不过我地今次唔系食泰国野而系食日本鱼生丼。呢间鱼生丼系距离九龙城街市一两个街口既街角，相信系相当易揾到。 呢间舖既特色就系海鲜味噌汤任添。所以系等紧鱼生丼黎既时间，就可以饮住个汤等食。而且佢既味道都算正常。我地当日叫左一个海贼丼($118)，生鱼丼($138)同樱花虾炸豆腐($38)。先讲一下樱花虾炸豆腐，出面包左一层樱花虾，炸得好脆口而家唔油，唔似系翻炸。生鱼丼－比目鱼，三文鱼，油甘鱼，樱花鱿鱼，蟹籽，玉子。首先个卖相已经好吸引，油甘鱼，比目鱼都好肥美而且好新鲜。鱿鱼都好唔错（啲相无tune过相）加左青柠檬仲多个层次。基本上就啖啖都有鱼生。唯一一个唔太满意既地方就系饭唔够软熟，有几啖仲要痴啱左一旧整唔开。同佢既饭量就有啲多，女仔都可能会食余一半既饭，男仔就可能会食余四分一。海贼丼－油甘鱼，樱花鱿鱼，海胆，蟹籽，玉子。（留意返张相系错版黎，师傅多左三文鱼籽）基本上就同生鱼丼差唔多都系咁新鲜肥美，唯一唔同既就系个海胆。海胆就的确就系个亮点，鲜甜,creamy,香浓。而饭就同生鱼丼一样有啲唔够软熟。