神虎拉麵 (已結業)

冬天又到,自然想食暖粒粒既野暖下个胃, 除左煲仔饭就自然选择拉面。睇到唔少食评家既BLOG 都介绍呢间拉面, 就黎试试佢!!呢间神虎拉面相对一兰黎讲少好多人排队, 晚餐当日仲要唔洗等位同一兰一样比一张纸仔比大家选择面条、汤底等等, 今次都系小试牛刀, 面条选择幼, 汤底浓度、香油全部中等神虎拉面先讲汤底-浓厚猪骨汤味, 隐著有一股中式老火汤既味道同感觉, 好似将猪骨同蔬菜融入汤中, 老火汤当然唔会加味精啦~不过汤底就比较油腻, 食到一半觉得好漏面条- 软硬适中, 师傅掌握时间不错!叉烧- 相对一兰同其他拉面店而言, 呢间既叉烧偏瘦, 冇乜肥油可言, 不过正因如此可以考到师傅功力, 一旧瘦叉烧都可以做到入口即溶而冇渣, 实属难得!!溏心蛋食拉面少不了另一个主角溏心蛋- 个人觉得蛋黄太生, 一咬蛋汁即刻喷出黎, 而唔系半凝固状态, 有D失色!食完拉面后, 汤底凝结不少油份, 的确....几油腻煎饺子煎饺子即叫即煎, 外皮脆内馅多汁, 内馅猪肉食到有粗幼质感, 增加饺子口感, 诚意可嘉