常悅素食

营业中

休息中

出名食肉兽加牛魔王，餐餐无肉欢嘅我，今日竟然会来个素食晚餐，无他嘅，因为今日约咗位坚啪啪嘅素食者，旧同事饭敍当然要食斋啦，同事住在旺角，我又要去现时点睇玩具，所以就选择咗此店食晚餐，因得两个人食饭，我又吾想班门弄斧，夫子面前卖文章，但又要失男仕风度，就稳稳阵阵点咗个二人套餐，因见D菜色都几吸引，又有乳猪，鲍片，鳗鱼，鱼翅羹呢类斋口吾斋心食品，单尾仲有福建炒饭及红荳沙，足够二人享用，至于味道方面有素食高人在场，我就不敢妄下评语，总之我就觉得好食，佢就话OK，加上此店嘅环境及侍应对客报务，亦令人满意，所以决定带靓妈及多一位食素高手，来此店再食一餐，试多佢几样菜色。