Aldou Cafe (已易手) 新餐厅

因应工作需要，今日去咗元朗返工，午饭时发现一家装修好有格调既小店，墙上仲有只肥猫招呼人呢！于是，放工就去食。一入内店舖比想像中细，不过系柔和既灯光下配上万圣节灯饰，别有一番风味。今日想食得清淡啲，所以点左个沙律。苹果羊奶芝士合桃沙律个沙律好大碟，作为前菜可供三人享用。选用羊奶芝士比其他酱汁健康清新。沙律内仲有焗合桃，香脆既合桃为沙律带来多层次既口感，亦令沙律生色不少。主菜点左蟹肉龙虾汁意大利饭，唔知点解蟹肉系配龙虾汁，但又几match更加唔知个几条好似虾须系咩黎，总之拌饭又唔会难食。意大利饭相信系配合返香港人既口感而偏软，硬饭始终都比较难接受。且蟹肉鲜甜，绝唔系普通既蟹柳，龙虾汁亦唔会太浓味。配上一杯有机玄米茶，清淡得来，散发著一股炸米香，洗涤一下烦忧既生活。