View 62 by Paco Roncero (已結業)

Item: View 62 by Paco Roncero
Rating: 3
Author: 奥志雷

3.5

33 食记

味道

环境

服务

卫生

抵食

430

湾仔

$401-800

西班牙菜 Fine Dining 西餐厅

奥志雷

等级4

2.1K

好想食西班牙烧乳猪呢，试左几间餐厅都强差人意，我要食高质皮香肉嫩既乳猪呀 ﹗由北区揾到港岛区，揾到黎 View 62，过埋海希望揾到真命天子啦 ﹗

好耐无出城食饭喇 ﹗今晚仲要过海添，劲开心 ﹗终于有位朋友仔陪我走到老远试菜啊 ﹗次次都系成团朋友出黎饭局，但今晚有几个放飞机，搞到自助餐取消 ﹗无所谓，得我两个都可以照食之麻，转去食西班牙菜，我想黎好耐架喇。

朋友仔未到，我先入座吧。食客不是太多，环境都算宁静舒服。无敌海景连山景，360 度全景观既旋转餐厅，几得意。

有点口渴喇，叫杯特别既餐前酒边饮边等，拍拍照、望望风景、睇睇 menu。刚才坐低都仲系山景，依家差不多转到海景喇 ﹗哈哈。

辣西瓜马天尼，坚辣唔系讲笑，喉咙有点热力直达肠胃，有少少冒汗，加上西瓜汁既清凉好特别又好饮！朋友仔终于赶到，终于有朋友仔陪我黎试西班牙菜，餐厅即时送上杯 welcome drink，thank you。

系时候点菜喇，今晚我最想试既系西班牙乳猪、西班牙海鲜饭 ﹗我一贯作风，先黎个前菜，跟住汤、主菜、甜品，够晒满足。菜色都几特别，花多眼乱，唔知试咩好添。

忌廉伴鹅肝冻批及牛肝菌，配搭新颖有创意亦有趣︳特别就特别喇，不过质感同味道都较为普通，没什么惊喜既地方。可能温度偏低，所以食材未能发挥其强烈而独特的气味，使举使到食味大跌，鹅肝及牛肝菌阶是。

忌廉牛油八爪鱼，唔讲真系唔知是什么，原全被酱汁所覆盖。浓厚奶油忌廉味道，处处飘香。薄薄八爪鱼片咽韧中带点脆口，咸香跟奶油味道非常配合，而且泛著一丝的甜味，蛮满意啊。

餐包配牛油，侍应建议可以配刚才的忌廉牛油八爪鱼汁同吃，非常美味的呢 ﹗我就信下您啦，毫不犹豫、不需矜持，将餐包卷上大量汁夜掉在甜尖上翻腾 ﹗哗，无介绍错，无吹虚，果然好味 ﹗而且面包好新鲜，带著浓厚面包香味，好食。

西班牙龙虾饭，原来依度系无西班牙海鲜饭架，无紧要，食龙虾更加好添 ﹗餐厅主打传统西班牙菜，味道都系偏向浓烈及霸道 ﹗依个龙虾饭既龙虾汁超乎想像地浓郁及强烈，味道非常好到不得了，龙虾味道既余韵拈据著每颗味蕾，久久都不肯离开，不过确实好有点腻滞感涌上心头。饭粒饱满咽韧，配上极爽弹鲜味龙虾肉，好味到打冷震。

西班牙烧乳猪，我就系为左佢而远道而来 ﹗等左足足 60 分钟终于烧好，值成九百几蚊既乳猪会系点呢？两个人绝对食唔晒，一阵打包半份返总部同大家分享啦 ﹗新鲜出炉皮香肉嫩，但今晚只乳猪太肥喇，一定食完就瞓、瞓醒就食、食饱又瞓啦，不怎么做运动，不太健康 ﹗

侍应哥哥话系已经系今晚最后一份架喇，唔要就无噜 ﹗肉香而有咬口有弹性，肉味浓郁，但因为十分油腻，食两件已经好滞顶住食唔落喇 ﹗虽然有个橙皮酱能够减轻油腻感觉，但帮助不大呢 ﹗

餐厅细心地将乳猪汁分开上，Waiter 哥哥详细解译话唔想浸到乳猪皮腍左而影响口感，赞。配菜焗新薯好好味，做得一丝不苟不马虎。无奈地食左两件乳猪已经太滞，食唔落新薯啊 ﹗试过之后，似乎大埔文荟会馆既更好食，皮香肉嫩又 juicy，身材劲好唔肥腻，View 62 依只麻麻地。

餐厅送既小甜品，白色超硬，用尽力先咬得开乍。前面既有点似花生果仁类，甜甜地。柠檬雪糕，睇左个甜品 menu 好耐，大部份都普通，依个算系最持别既一个喇 ﹗有个女甜品师系厨房冲出黎，用氮气将雪糕凝固，外层脆而里面软，都几得意 ﹗味道小小酸又带甜奶味啰。

第一次撑台脚，食饱饱，坐多阵休息下，影下相就闪喇，影几张合照留念先。因为上次系诺士佛台食唔到只西班牙乳猪使我一直耿耿于怀，所以见依度有无敌开扬景观咪试依间啰，旋转餐厅个景真系好正，睇烟花一流，但有点失望。开心既时间好快过，坐到连餐厅都打烊喇。

有段小插曲，最初我地隔离台班阿叔跟两三个北姑都好正常系度食生蚝，饮红酒饮烈酒，点知越饮越醉，越黎越嘈，仲要跳晒舞咁。全场都投以非常讨厌既眼神注视著，餐厅经理即时走过黎问我地想唔想转台呀？唔好意思骚扰到您地食饭呀。无紧要，麻烦帮我地转台啦，Thank you。