影片
更多
2009-10-07
132 浏览
早几日师傅一支公无啦啦行过呢个商场, 见佢新装修加上又冇咩野做, 于是落去打个白鸰转; 行下先知呢个商埸收变左好多, 现在大部份都系食店, 打左个圈后见到呢间食店, 师傅心里异常欣喜, 因为一直以来都好想试下呢间食店, 无奈要过海先有得食, 所以唯有放弃; 终于皇天不负师傅心, 呢间食店竟然喺老尖整番一间, 等待多年嘅师傅终于可以品尝一下! 虽然师傅已经食饱晚饭, 但仍然一个箭步飞入食店, 奈何比店员截住, 原因系食店打烊, 所以唯有下次啦!寻晚师傅忽然间兴之所致, 于是决定离开监房就过黎呢度食野, 仲打算约埋好友食家"乜都放入窿"齐齐去, 奈系好友食家"乜都放入窿"比较忙冇咁早可以松人, 碍于师傅真系好想试一次, 于是唔等好友食家"乜都放入窿", 决定单拖赴会! 但喺离开监房前, 师傅就比个人渣同僚激亲, 气难下之际想起会黎呢度食野, 决定放肆食一餐, 去解心头之恨!入到去食店, 唔算系好多人; 环境就几干净, 可能系新开张嘅关系啦, 而店内设计成怀旧冰室咁, 但师傅觉得真系好刻意形做呢个效果出黎, 绝对带唔到亲切嘅感觉, 反而觉得同外面嘅商场格格不入! 伙计安排师傅坐底, 一条冷都
寻晚师傅忽然间兴之所致, 于是决定离开监房就过黎呢度食野, 仲打算约埋好友食家"乜都放入窿"齐齐去, 奈系好友食家"乜都放入窿"比较忙冇咁早可以松人, 碍于师傅真系好想试一次, 于是唔等好友食家"乜都放入窿", 决定单拖赴会! 但喺离开监房前, 师傅就比个人渣同僚激亲, 气难下之际想起会黎呢度食野, 决定放肆食一餐, 去解心头之恨!
入到去食店, 唔算系好多人; 环境就几干净, 可能系新开张嘅关系啦, 而店内设计成怀旧冰室咁, 但师傅觉得真系好刻意形做呢个效果出黎, 绝对带唔到亲切嘅感觉, 反而觉得同外面嘅商场格格不入! 伙计安排师傅坐底, 一条冷都预左比人乱处安置, 而今次师傅被安置同一对情侣搭枱! 于是坐底后当然系睇下有咩想食啦, 谂左一阵师傅当然决定试下呢度最出名嘅两样野, 就系金牌猪扒包同埋热丝袜奶茶!
落完单当然要等一阵啦, 其时对口对面嘅一对情侣不时打情骂悄, 师傅真系相当眼冤; 要知道眼冤嘅主要原因除左打情黑悄外, 就系大家面对面嘅距离真系好近, 证明张枱真系好细, 就算再细声讲野都听得一清二楚, 呢d真系枱细嘅粒弊处! 好唔容易先等到杯丝袜奶茶, 再等多一阵金牌猪扒包都登场了, 呢一刻师傅终于可以分下神喇!
先讲下杯热丝袜奶茶, 师傅放弃左一路以来最爱嘅柠檬茶同埋冻饮, 全因为对呢杯热丝袜奶茶寄予极大嘅厚望, 于是加左少许砂糖, 搅匀就饮; 第一淡感觉系几滑, 不过淡左少少, 于是再加多少少砂糖, 第二淡感觉都系滑, 师傅将杯丝袜奶茶前后试左五次, 得出黎结果系除了滑外, 甚么都没有, 不香不浓, 最基本奶茶嘅香味亦欠奉, 加上茶底冇茶味, 莫非一杯滑d嘅奶茶就会冇茶味? 师傅觉得并非如此, 不过真系希望越大失望越大! 𠮶一刻真系打个突, 丝袜奶茶都咁嘅水准, 金牌猪扒包亦难寄予厚望啦!
冇咩厚望下再试个金牌猪扒包, 金牌猪扒包早已经一开二切开两份, 猪扒并唔算好厚身同大件, 包身亦唔算大份, 里面配上少少蕃茄同沙律酱, 卖相精致; 师傅用手就攞起黎咬, 发觉呢件猪扒系非常非常之油, 师傅真系好怀疑系咪煎啰? 不过猪扒真系几香口同埋肉质松软, 加上冇骨, 都可以啦; 而包身都算松软, 但软得黎冇弹性, 至于蕃茄同沙律酱嘅份量系配合得好好, 不多不少令入口唔会干身, 呢个位处理得真系一绝; 当师傅食完半件猪扒包后再望下d手指, 真系估佢唔到呀, 几只手指竟然可以咁靓㖞, 因为有熟油滋润嘛, 你话死未?
师傅已经气顶啦, 仲要食到到喉唔到肺, 本来打算如果呢间食店掂就再试其他食物, 点知咁嘅水准, 真系咩野胃口都冇晒喇; 再加上一对已经烟韧到不得了嘅情侣坐喺师傅对面, 为免眼冤下去, 都系三十六著走为上著!
总括黎讲食物水准并唔系想像中咁得, 特别系杯丝袜奶茶, 环境一般, 服务又系一般, 价钱都唔平架, 咁样食一食, 埋单二十有八呀! 名气虽大, 最后还是不外如是; 师傅返到屋企即刻睇下呢度评分, 平均分为三点二分, 仲要系五对四, 五个笑脸vs四个喊脸, 开张咁短时间, 十个食评四个喊脸, 成功率达四十个巴仙 ! 平心而论喊脸未足以比, 但亦难笑, 皆因只不过系一间普通茶餐厅, 唔会特别好味但亦不算难食, 冇特别冇惊喜啰, 所以肯定冇下次!
后记: 师傅走左之后一边行一边喷出阵阵胃气, 食个包饮杯奶茶有咁嘅后果, 真系讲都冇人信啦! 胃气多皆因油之过!
张贴
