榕記車仔麵 (已結業)

榕记车仔面之前见到有Youtuber介绍讲到好好味好吸引，今日去开宝琳就即管试下，星期六中午时间去可直接入座海南胡椒猪肚汤 $40面：薯粉自选𩠌：萝卜$5、酸斋$5第一啖先试佢汤底，好浓，好香黑椒味，饮左feel到喉咙有辣辣地嘅感觉，汤底真系好出色！薯份正常，带点烟韧口感，份量亦十足！萝卜有4大旧，可惜唔入味，亦煮得未够腍，仲要食到有渣，系4旧都有，太唔好彩喇！酸斋有几旧，味道正常！酸辣粉 $30自选𩠌：陈皮鱼旦$8、鱼肉春卷$8酸辣粉都系薯粉，酸辣酱系另上，再自己捞，配料有花生、芫茜同葱花，食落都真系几辣下，唔食得辣建议唔好一次过落晒，慢慢再加！𩠌就叫左陈皮鱼旦，呢个极度失望，食陈皮鱼旦就系钟意果种相对实净口感，完全冇，腍到爆，而且成粒都系粉。。5粒一样系咁，我叫左辣味，佢系用清水渌熟咁，就算本身佢有俾少少酱都救唔到，真系好差，但我之前听朋友讲唔系咁，话未至于咁差，唔通又系我唔好彩😑 鱼肉春卷有一条，炸到好脆，但鱼肉唔多，但味道都唔错。整体胡椒猪肚汤底其实好出色，味道香浓，饮落唔会好味精味，但其他𩠌真系唔得，如果水准可以平均啲就好喇！