新葉記大排檔

营业中

休息中

两个人去叫𩠌食饭其实有时都真系好难搞，因为好多野都想食，但系又食唔晒，不过今日竟然食到一个小食两个𩠌仲加埋一个汤都真系无得顶。小食就系韭菜猪红，呢间嘅韭菜猪红都唔错，D猪红有味但系又唔无太咸，不过D韭菜就少咗D。第一个𩠌就系一个例牌嘅卤水拼盘，入面有鹅肠、红肠、猪耳仔、墨鱼、猪大肠，另加大豆牙菜垫底。佢个卤水只属一般，好在唔系好咸，不过明显地唔香。全晚最掂系个胡椒猪肚汤浸花甲，D花甲比想像之中要多，都几鲜味。个胡椒猪肚汤除咗D猪肚唔系好新鲜之外其他的都OK，胡椒味唔会太浓，咸酸菜嘅味都算调得适中。叫埋2碗白饭每人$170左右，收货啦。