吞POT 雞煲火鍋.住家菜 (譽發廣場) (已結業)

早几日细佬仔话想食打边炉，睇过OpenRice见到好多人推介呢间吞POT鸡煲火锅住家菜❤️睇餐牌好似几唔错，啲嘢食真系好有品质㖞！入到去舖头感觉呢度好型格呀！见到旁边有一个好大嘅鱼缸喺度 感觉好似去咗水族馆一样 舖头嘅灯光适中，喺度打边炉真系好有feel架 真系同一般火锅店好唔同！我哋今日先点咗一个胡椒猪肚鸡煲，材料份量十足，汤底浓郁带鲜甜嘅味道，带有少少辣辣地！冬天食就真系啱晒啦！接住落嚟～我哋就叫咗十全大寳丸❤️里面嘅口味，分别有黄金海胆黑墨丸、黑松露墨鱼丸、多种口味选择 每一粒嘅丸子都各有特色非常特别！最后就要介绍吓佢哋嘅珊瑚蚌，每一条都好新鲜好鲜甜！用嚟打边炉真系一流啦！店舖啲姐姐服务好周到，每上一碟菜都会介绍菜式名俾我哋知，非常贴心呀呢度嘢食都几多种选择，如果你仲谂紧去边度打边炉不妨试吓吞pot 鸡煲火锅住家菜啦！