金葉軒

营业中

休息中

今晚同男朋友到坑口村觅食，佢话想食胡椒猪肚鸡煲，所以入左金叶轩食。一坐底，即刻叫左胡椒猪肚鸡煲。望下火锅料，因为早几日先食完鸡煲，打完边炉，所以暂时冇咩野想食。加埋我地得两个人，都系决定食完睇下仲需唔需要叫其它野食。胡椒猪肚鸡煲好多料，相信有一只鸡系入面，猪肚份量都好多，仲有白萝卜同粟米。食鸡煲有个小秘诀系要俾佢煮耐少少先好食，因为鸡肉同猪肚会越煮越淋，会越容易入口，白萝卜同粟米都好甜。呢间仲有泰国菜同港式野食提供。