傷心酸辣粉 (電氣道) (已結業)

突然好想饮胡椒猪肚汤，但系又懒得自己整，所以上openrice search下边到有得卖，竟然俾我发现伤心酸辣粉有个同心抗疫火锅套餐系有胡椒猪肚鸡煲，可以有得饮胡椒猪肚汤又有得食鸡煲，咁又几好㖞！呢个抗疫火锅套餐仲有重庆麻辣鸡煲、重庆香辣烤鱼同老坛酸菜烤鱼添！胡椒猪肚鸡煲猪肚同鸡既份量好多，鸡偏瘦，无乜肥膏，猪肚爽脆有嚼劲，无异味处理得唔错，火锅配料有肥牛、肠仔、牛丸、花枝丸、芝士肠、云耳、生菜同薯粉，仲有两包纸包饮品。胡椒汤底超级多胡椒粒，劲重胡椒香味，但又吾算好辣，用黎打边炉真系一流。要特别一提系佢地既外卖会用保鲜纸再包实个外卖盒，等d汤吾会咁易流出黎，呢一点真系好贴心！