連文記冰室

营业中

休息中

连文记冰室天气好冻两点几去揾嘢食，朋友揾咗呢间食花胶汤米线未食过就去试吓。去到已经有下午茶餐 但为咗食米线而来所以叫咗两碗米线。花胶鸡汤米线 $75汤嚟到唔够热，花胶都几多件，鸡比咗鸡髀位好滑，有三件大大件嘅鸡，汤底清甜但个人比较淡，米线有跟芫荽，唔食记得要叫走芫荽。胡椒猪肚汤米线 $69呢碗嘅汤比花胶汤热，猪肚好食，呢碗嘅鸡胸肉比较鞋口，但鸡一样系大大件，胡椒味都好浓，两碗米线份量适中，亦都唔会煮得太稔太碎，个人觉得胡椒汤比花胶汤好食。跟米线配热饮免费。