周記油渣麵 (已結業)

几个月无嚟深水埗，行过好多人排队的文记车仔面，周记原来装修间开咗两间舖，同一名字一边堂食面同卤水，一边食近似两𩠌饭，而厨房亦由门口位搬到最入。一改以住「地踎」的装修，以前我只会外卖，宜家企理整齐咁多，一定系堂食啦。好多人见到店名，只叫油渣面，其实咁多年，我始终觉得「炸北京饺面」才是招牌菜。周记的面底系用粗粗的上海面，即系上海粗炒的面质，吸汤而有咬口，系其他面店比较少见，汤面一定要加旁边嘅冬菜，食开重口味的话，可以加多少少。到主角，炸北京饺，馅料眼见有猪肉云耳马蹄，比较爽口，一上抬，热辣辣，明显系即叫即炸，外皮系比较厚嘅饺子皮，食落好香脆，加埋个辣酱，同炸饺子配合得好好，个人觉得可以俾多少少辣酱，食得再过瘾啲。