新記雞粥 (筲箕灣道)

营业中

休息中

筲箕湾道有间新记鸡粥🐔🐔🐔，听闻喺元朗好出名， 今日途经见到里面坐满晒人，就入去食个鸡粥。我觉得贵妃鸡粥配搭炸俩系不二之选，唔怪得知咁多人都有叫啦，茶餐55蚊就有炸两和鸡粥，真系好抵食✌🏻。 鸡粥的鸡块好多， 鸡味道鲜甜， 粥底够绵滑，啱我口味😋😋😋。 加3元要咗杯豆浆🥛， 豆浆味好浓，而且唔系太甜。 我哋又叫咗一碟椒盐虾🦐🦐🦐，虽然系135蚊，但系虾好新鲜，够味，好多蒜头，正，而且只只虾都挑晒虾肠，数量都有十几只，所以计落去都唔算贵， 我哋叫咗个咸蛋肉饼， 肉烟烟靭靭， 味道非常之好，送饭就一流啦。原来鸡记除了鸡粥，小菜都好到家，赞👍。