豆漿大王

营业中

休息中

前排见杂志讲呢间店舖拎到米芝莲推介，见九龙湾有分店，所以就食个晏试下。估唔到星期日晏就有咁多人等位，等左四五个字先入到去。咸粢饭 + 豆浆 $15 + $9呢个粢饭最好味，分量岩岩好，炸菜咸味够，肉松配饭就点都正，油炸鬼最出色，平时出面食粢饭条油炸鬼唔系淋左就超硬，而呢个仍然好脆，又唔油腻，正 ! 如果想要多d配料可加钱。豆浆豆味香浓，而且，好大碗，9蚊好抵。煎饺子 $20味道正正常，有少许偏油，加埋豆瓣酱一齐食仲滋味。 脆香鸡扒酸辣面$40个鸡扒整得唔错，粉浆簿，炸到面松脆，入面鸡肉唔鞋。 面就酸味较重，无乜辣，分量中等。 秘卤肉碎拌面 $32卤肉味道好，但偏干，加上系拌面，就更干身，但系好味嘅。