堅離地脆

营业中

休息中

朋友推介呢間小店，主打多款精緻西式蛋糕，除此之外更有麵包同曲奇供應。店鋪招牌好搶眼，見不斷有客人排隊買，就知應該頗有名氣，而且經過嘅時候超級香噴噴，未食已經流晒口水。招牌菜為芒果拿破崙，如同店名所說，真係脆得堅離地！內有三層，層次感分明，滿滿吉士醬，食落唔油膩且甜度適中，上面用芒果整成一朵花，好睇又好食，酸甜開胃，生日買嚟慶祝。曲奇款色可按個人喜好挑選，價錢用半磅計算，原味、牛油核桃、腰果、芝士、咖啡杏仁、伯爵茶、綠茶、阿華田、朱古力燕麥紅苺提子等，同樣酥脆可口，牛油香氣四溢，配埋杯茶就啱啦。