上海么鳳 (裝修中)

话说某日搭巴士去铜锣湾，撞正个司机技术差，搞到我晕车浪。落车后仲系作呕作闷，经过呢度醒起可以食啲陈皮，就入去睇下喇 ！以前黎呢度买过话梅肉，都几好食，今次打算买陈皮，但眼见咁多款都唔知买边只好，正在苦恼之际见到一樽叫”靓陈皮”既剩返好少，即系多人买啦，就姑且试下。呢度既凉果有平有贵，陈皮既价钱尚可接受，我买左一両都系十五蚊。但一拿上手就奇怪喇，点解咁硬既？以往食既都系软架麻，食落既感觉系又硬又脆，带咸味，真系非常特别。不过有啲太大块，好难整碎佢，可能要用锤仔先得喇！一包都几多，几襟食，有兴趣可以试下！