宏發燒臘飯店 (已結業)

星期六喺铜锣湾行完街拎住好多战利品，想揾地方食个快饭，比我发现义顺隔离原来有间烧味店！地方光猛干净，唔会好麻甩，见有位就入左去～餐牌好多选择，其中一个餐叫「绿色有盈套餐」：2款烧味配饭/粉，送菜同饮品/汤。见呢个餐几抵又有野饮，于是我点左"乳猪+贵妃鸡 配濑粉" 。濑粉汤底好清，无咩味精；乳猪皮好薄脆，肉质好滑嫩，脆瘦适中食落无油腻感，点埋烧汁酱食好惹味；贵妃鸡正好系脾位，岩晒我因为我最怕食鸡胸肉～脾肉好滑，连埋上面d葱食仲香口。我点左个热饮，唔使加钱～佢仲有好多烧味选择，下次有埋阿爸试下先～