客家人窯燒雞 (已結業)

問店員先知原來而加呢間客家人窯燒雞係同流浮山果間係冇關係既，座位唔多但都坐得舒服，食野嗰陣都見到有唔少人叫外賣買走。我地叫左隻燒雞，塊皮好脆，一剪就好多汁流出嚟，外觀定味道都好正👍🏻 雖然要原隻自己剪，但係好易就剪到出嚟，有齊手套、較剪、濕紙巾比我哋。另外仲叫咗個川椒雪裡紅，味道唔會好辣，我數到有紅腰豆、青瓜、雞肉、菜脯、花生、豆乾、雪菜，材料真係好豐富，而且口感好好，買返屋企送酒一流👍🏻 最後叫多碟菜都幾鮮甜，感覺到呢間店所有食材都有用心挑選同烹煮