蛇王熙

营业中

休息中

呢几日天气终于冻喇！！！女仔一冻手脚真系冰冷唔舒服，所以朋友就提议一齐去食个蛇羹暖暖身其实我之前都未食过蛇嚟到门口见到已经有几位客人排紧队等位，睇嚟大家谂法都相同不过都好快就可以有位入坐lu so happy!! 因为真系好饿喇其实系门口等位时同朋友已经决定一人一个蛇羹餐，脆皮膶肠饭同蜡肠糯米饭各一款share 一齐食！花胶会蛇羹同前菜好快就上台蛇羹上面系我最钟意食嘅脆脆（其实我唔知佢应该系咩名）而蛇羹真系好好好好足料呀！！唔会好水，可能有花胶嘅关系？而且材料十足，几乎每一啖都食到肉超满足花胶仲唔会系碎碎甚至揾唔到嘅状态，而系可以揾到一条食到佢口感嘅花胶转头就上埋两个饭喇！极之欣赏个脆皮膶肠！！表面脆脆，入口唔会得肥肉仲要非常浓香嘅膶味，不得了真系一条膶肠已经可以食一大碗饭！而糯米饭味道都唔错，口感烟韧，上面又会舖上花生加多口感同味道只系我已经比个脆皮膶肠完全吸引落去⋯⋯食唔停口下次嚟要试埋佢个叉烧呀，原来都系推介架！