影片
更多
2008-10-08
28 浏览
今年三月一号星期六，我哋特登入去深井食烧鹅，入到去都成八点几嘞，过晒食饭时间，所以即刻有位坐，呢间菜馆我唔系第一次嚟，但系我老公就未食过！我哋叫咗： 半只烧鹅：当然唔会叫例牌，因为唔知比咩嘢位你食，食唔晒都系要叫半只，烧鹅好似裕记咁都系最后先嚟。都有好香炭烧味，啲皮仲薄过裕记𠮶只，所以更加脆！啲鹅真系好肥，一 pat pat 肥膏布满系鹅肉上面，特别系近尾部份，都几吓人，但系啲肉就真系好多肉汁，仲正过裕记，咬咗啲肥膏就好好味，好味到食晒先记得未影相！ 海蜇熏蹄：海蜇唔系好弹，但系好香，熏蹄就好好味嘞，肥嘅位点埋白醋汁劲爽，唔错！不过下次唔拼海蜇拼第二样！ 琵琶豆腐：一般，个献杰咗啲，因为够热味道还算不错！ 两碗濑粉：用嚟捞鹅汁食，碎得济，难夹，味道系好淡，捞汁先有味！ 可乐2罐一定会再去，因为啲肉同皮都系我觉得最好味嘅！
今年三月一号星期六，我哋特登入去深井食烧鹅，入到去都成八点几嘞，过晒食饭时间，所以即刻有位坐，呢间菜馆我唔系第一次嚟，但系我老公就未食过！我哋叫咗：
半只烧鹅：当然唔会叫例牌，因为唔知比咩嘢位你食，食唔晒都系要叫半只，烧鹅好似裕记咁都系最后先嚟。都有好香炭烧味，啲皮仲薄过裕记𠮶只，所以更加脆！啲鹅真系好肥，一 pat pat 肥膏布满系鹅肉上面，特别系近尾部份，都几吓人，但系啲肉就真系好多肉汁，仲正过裕记，咬咗啲肥膏就好好味，好味到食晒先记得未影相！
海蜇熏蹄：海蜇唔系好弹，但系好香，熏蹄就好好味嘞，肥嘅位点埋白醋汁劲爽，唔错！不过下次唔拼海蜇拼第二样！
琵琶豆腐：一般，个献杰咗啲，因为够热味道还算不错！
两碗濑粉：用嚟捞鹅汁食，碎得济，难夹，味道系好淡，捞汁先有味！
可乐2罐
一定会再去，因为啲肉同皮都系我觉得最好味嘅！
张贴
