德國餐廳 (博文街) (已結業)

呢间德国餐厅好多地方都有分店，今日嚟到大角咀呢一间，当然唔少得叫一份脆皮猪手，同埋叫咗一个香肠拼盘同一个沙律。爸爸叫咗一个黑啤佢话几好饮，我就饮芒果汁😂😂脆皮猪手都几大份，外皮真系好脆，而且猪手几入味！酸菜配埋猪手都几好食，不过一定要夹埋一齐食，如果唔系我就觉得几酸🤣不过我更加钟意佢个香肠拼盘，因为有好多款香肠，而且我好钟意食脆皮𠮶啲，德国嘅味道啊！另外个三文鱼沙律都几好食，因为啲沙律菜好脆好新鲜！