富東閣海鮮酒家

营业中

休息中

富东阁一向都系以片皮鸭闻名，但之前都只系去过饮茶食点心，今日就特登夜晚去🤣叫咗片皮鸭两食($198 + $35七彩炒鸭丝)，惊唔够饱再叫咗个椒盐豆腐小食($55)😛因为好早去食所以全场得3枱客，叔叔姨姨服务都好好👍🏻片皮鸭睇落油光满满，而且有一定厚度、即系食到少少肉去平衡下皮下油脂，数量都好足够包晒咁多块饼皮🤩配料就有青瓜、葱丝、同最重要嘅甜酱，见我哋两个人仲比咗两碟酱料😋饼皮同饼皮之间有蒸笼纸隔住，所以唔洗惊黐住晒，鸭皮非常之脆卜卜，油脂多得嚟唔会觉得食到成口油，系近期最满意嘅烧鸭🥰非常推荐各位一家四口去试试，两个人食晒啲饼皮真系好饱😂有比较就有伤害，七彩炒鸭丝相对上就失色好多，鸭肉非常柴、成碟嘢都比较油腻，不过胜在落咗唔少韮黄、芽菜等等，口感都几丰富🙈椒盐豆腐就达到酒楼水准，脆得嚟唔会”皮肉分离”，椒盐落得几足、味道就系好典型𠮶种🤣