影片
更多
2018-04-18
17 浏览
今日早收工，同朋友去咗铜锣湾一间主打鸡翼嘅餐厅食下午茶。餐厅地点倘算方便，离地铁站唔算太远，我哋行咗一阵就揾到间铺头。餐厅属小店规模，坐位唔多，全店用咗黄同白两种颜色做主题，俾人一种几醒神嘅感觉。除咗堂食之外，我哋都见到有好多人系嚟买外买嘅，可能因为附近有好多办公室吧。睇吓餐牌，其实都好易拣，因为除咗主打鸡翼之外，只有几种其他小食可以拣，其卖点反而落咗系佢哋俾客人任拣嘅多种酱汁之上，我睇吓眼都应该有成十几种酱汁放咗系点餐处前，可以俾客人随便配搭。令我谂起英国有间出名食鸡嘅连锁，都系咁样有好多酱汁俾人任拣，估唔到系依度可以俾我回味一吓。哈！因为想试多啲唔同嘅酱，所以餐牌上可以俾我哋点酱黎食嘅嘢我哋都叫哂咁滞。鸡翼我哋点咗大份8只，有炸同烤两种口味，我哋拣咗half half。另外系半份上面再加咗个黑松露试试。之后再点咗个corn dog (你当系热狗食就得㗎啦)，薯条，芝士条同洋葱圈。我哋试咗好多种酱，包括我重点推介嘅buffalo酱，少辣之余带点酸，用嚟点鸡翼一流。已经有黑松露嘅鸡翼，我建议唔驶再点酱食，因为咁样先真正食到黑松露配鸡翼嘅味。至于白酱，我就比较欣赏只墨西哥辣椒，算系咁多只
餐厅属小店规模，坐位唔多，全店用咗黄同白两种颜色做主题，俾人一种几醒神嘅感觉。除咗堂食之外，我哋都见到有好多人系嚟买外买嘅，可能因为附近有好多办公室吧。
睇吓餐牌，其实都好易拣，因为除咗主打鸡翼之外，只有几种其他小食可以拣，其卖点反而落咗系佢哋俾客人任拣嘅多种酱汁之上，我睇吓眼都应该有成十几种酱汁放咗系点餐处前，可以俾客人随便配搭。令我谂起英国有间出名食鸡嘅连锁，都系咁样有好多酱汁俾人任拣，估唔到系依度可以俾我回味一吓。哈！
因为想试多啲唔同嘅酱，所以餐牌上可以俾我哋点酱黎食嘅嘢我哋都叫哂咁滞。鸡翼我哋点咗大份8只，有炸同烤两种口味，我哋拣咗half half。另外系半份上面再加咗个黑松露试试。之后再点咗个corn dog (你当系热狗食就得㗎啦)，薯条，芝士条同洋葱圈。
我哋试咗好多种酱，包括我重点推介嘅buffalo酱，少辣之余带点酸，用嚟点鸡翼一流。已经有黑松露嘅鸡翼，我建议唔驶再点酱食，因为咁样先真正食到黑松露配鸡翼嘅味。
至于白酱，我就比较欣赏只墨西哥辣椒，算系咁多只之中最有口感嘅酱汁，我将依只捞埋ranch一齐点嚟食洋葱圈，一个字，正! 到食Corn dog就最简单啦， 用番热狗最传统嘅食法，芥末酱同蕃茄酱两沟，搞掂!
另外，芝士条嘅食法都比较搞笑嘅，就系我哋再加上blue cheese酱嚟食，即系入面同出面都系满哂芝士，一定系肥过肥仔果只，女士我哋就唔建议咁食啦，咁样系自杀嘅行为。
最后要讲吓薯条，依个我哋首先加左只牙买加辣椒粉，香口好多又唔算太辣，唔想用茄汁嘅朋友可以试吓用蒜香蛋黄酱嚟点食，都系一个唔错嘅算择。
张贴
