Cocolo Tokyo Cake Factory (朗豪坊) (已結業)

餐厅主打苹果批，仲有多款甜品，卖相靓之余，味道亦唔错。店内有数个座位可以堂食，而外卖既话个盒好cute添。叫左青森苹果批($33)，焦糖坚果奶油蛋糕($25)。苹果批新鲜出炉，拎上手热辣辣。而且好‘聚’手，重量有番咁上下。用上日本青森苹果，苹果馅甜而不腻，有蓉有粒，吉士幼滑，一咬d吉士就向外涌出。而酥皮层略脆，个个批都胀卜卜，好得意。蛋糕既焦糖味浓郁，好清楚见到层层蛋糕及cream。面头铺有满满既坚果粒，增加口感。蛋糕唔会过甜，入口松软，冻食一流。整体，苹果批饱肚，而蛋糕轻食当tea唔错，价钱亦亲民。拎番屋企食可以热烘，而堂食就唔惊，因为已经够热。