維港灣餃子坊

营业中

休息中

难得系元朗揾到尼间主打饺子既店铺。餐厅环境清雅，墙上挂左唔少有趣既画作，透过厨房既玻璃仲可以睇到店员包饺子既过程。叫左芝士粟米拼芫茜煎饺($42)，流沙咸蛋鲜虾饺($28)，芝士虾丸($24)，吉列猪扒($22)。每只饺子都系皮薄馅多，胀卜卜。第一次食芝士粟米味既饺子，好似中西合壁咁，估唔到又几夹，饺子渗透住浓浓既芝士味，但系又唔腻，加埋粟米后提升左唔少口感。饺子有满满既芫茜，食落好健康。而且叫饺子会附送是日靓汤一碗，系冇添加味精既，饮落好清甜，仲有粟米添。最值得推荐既系新推出既流沙咸蛋鲜虾饺，金灿灿又脆口嘅外皮沾满流沙既咸蛋，卖相一流。入面系好足料既虾胶，咬落去好爽又实。餐厅仲有多款小食选择，吉列猪扒大份之余仲好厚肉，炸皮唔算厚，而且又好软熟。小食仲好近贴潮流，推出左唔少芝士类既产品，芝士虾丸估唔到竟然会有拉芝既效果，而且虾丸同样打得好实，口感一流。整体，煎饺一样，脆卜卜惹味，而且芝士产品口感唔错。