日溢中西美食 (已結業)

全日都冇食过野，夜晚九点落堂后喺湾仔揾食！虽穿长由卫衣但仍感到冻冻地，行至修顿对面，一心只想快食快走；好啦，就俾多次机会呢间茶仔啦！入到去，店员示意我到某一列卡位里坐 (刚才停驻在店外看餐牌时，见这店员一路把脚搁在这卡位一端的椅上......)。睇匀餐牌，只有拉面餐 ($45) 叫做平 D，于是拣了猪扒鱼腐猪骨浓汤拉面+热奶茶，等左一阵就有得食。本来都没大期望，因之前落狗屎同埋冇乜食肆可拣，所以就试过呢间！当日食过这里的黑椒炒公仔面，成碟只有大阵 "油益味"，公仔面一 PAT PAT......如今赫见上台的这碗拉面，猪扒大如鸡髀，还以为自己叫错餐而吓了一跳。用筷子撩下 "已沉底" 的面，乍看似是拉面类，应该没问题吧。一食先知......濑野！！！块猪扒似浸了成日的发胀 "肉类"，色泽已呈淡色，确实几似腐尸！它冇味冇道兼有点点 "膻益味"。个汤底一 D 都唔似猪骨浓汤味，似滚水加了三汤匙的万年油......D 面，唉，成阵碱水味......只有 3 粒鱼腐叫做 "正常 D"。杯奶茶....涩口的......呢个所谓的拉面餐，我落了近半支胡椒粉来 "吊味"+"辟膻味" 去 KO 它...