澳門仔火鍋串燒專門店 (已結業)

月头出佐粮，第一时间梗系约埋猪朋狗友去砵兰街「玩」番够本，玩到脚仔软之后例牌食嘢补充体力，咁啱对面有间火锅店，唔谂勒就呢间。我地问伙计有乜野又平又正，佢话呢度鸡煲、猪扒饱最掂。既然伙计推介，就咁啦，鸡煲、猪扒饱。伙计一洛单就拎来四款火锅佐料，包括花生，蒽辣椒粒及蒜茸。奇味鸡煲鸡煲放有好多茜荽，洋蒽，蒜头，甜椒，好鬼香，煲野滚起既时候，再捞一捞媾均D食物，果D味浓到真系口水流，鸡肉坚系入味又浓郁，又辣又激又香又好味。黄金豆付，炸得靓靓仔仔，脆口又够味道，镬气又足，好味。猪扒饱伙计推介既澳门特色食品，猪扒松脆软身，而面饱仲系热既，够晒脆口我觉得呢个猪扒饱D味道系好香好好味，不愧为招牌货。食佐咁多野，立即精力充沛，时间尚早， 再去按按摩先。