餓媽家姐 (已搬遷) 新店位置

之前经过已经留意到呢间新开既铺头，见佢个名都好有趣咁。今日黎扫街，顺便试下!佢食物选择都好多，有饱肚D既burger，肠粉。同时都有轻食，炸物等等。叫左个XO酱蛋炒肠粉，即叫即整，所以要等耐少少。食物出到黎系热辣辣! XO酱比得好多，所有肠粉都比XO酱包住晒! 好有味。而且好够镬气。肠粉做到外脆内软，食落热辣辣又惹味。另外，叫左款炸烧卖，主要系比佢个牌吸引到。炸烧卖有分8粒/10粒。一人食所以我叫左8粒~ 呢到有成14款酱简! 搞到我都谂左阵，因为有好几款都想试试，今次叫左日式明太子。炸烧卖每粒大大粒，涨卜卜，咬落去都好烟韧，个外皮就系好脆口。明太子酱都几衬炸物，食完一粒又一粒!