第一腸粉專賣店 (已結業)

星期日，阿妈又懒得煮，于是买粥食。预先打电话落柯单，10 mins 后去攞，唔洗喺𠮶度等。每人都要了一个菜干猪骨粥，再叫了3个肠粉同2个萝卜糕share食。肠粉要了招牌肠、牛肉肠同猪润肠。先讲个粥，较杰，每碗都有旧大猪骨，几咸香嘅。不过因为粥底较杰，所以越食越腻，食咗2/3已经开始饱。招牌肠，鲁肉馅，偏咸，而且整体味道同肠粉唔太夹。牛肉肠，唔系免治牛肉，而系用牛肉片，虽然唔系大大片，但切开嘅时候都会比较难；味道ok。猪润肠，自己都系觉得猪润同肠粉最夹，猪润爽口，而且还有姜丝。蒸萝卜糕，大大件。系我钟意食嘅萝卜糕，因为真系食到萝卜丝。真材实料，唔系净得粉，有大大条嘅萝卜丝，也有少许虾米。