影片
更多
2022-01-03
2499 浏览
实在太嬲😡，所以一有时间即刻打警世文！希望大家去呢间酒楼要三思🧠🚫。TLDR既请睇title‼️12月31号同同事去饮茶，明白今日都多人饮茶，侍应会好忙，但等左一阵，最尾3个同事一齐举手示意先等到先有人接我地张点心纸🙂。大约12:40左右落单，中途都催过2次，13:13先有3笼点心，陆续到13:31先上埋xo酱炒肠粉同鱿鱼须。仲有个椒盐豆腐未黎🙂，侍应话出紧啦。有同事等唔切已经返左office先😓。当我夹左几条肠粉，食完第一条准备食第二条𠮶时，见到好似有啲野，望真啲系只小曱甴🤬‼️即刻又举手叫侍应黎，又举左一阵先有人理，𠮶位staff A(事后听好似系做仓库，唔够人先出黎帮手)拎左我只碗走左去，跟住等左一阵又无人理🙂。椒盐豆腐仲未有影就叫人取消，想埋单走人。个staff A之后返黎话帮我地取消(应该意指取消肠粉)。等埋单又等左一阵，然后staff B(应该姓蔡)同前面一枱客吹左下水先施施然行黎俾单我地睇。同事一睇张单仲有豆腐同肠粉无取消，加上侍应既态度同速度已经令我地好燥底。有曱甴既事完全无人道歉，或者follow-up，净系换左只碗想扮无事🙂。我地即刻同蔡小姐讲，蔡小姐表示佢唔知，唔需要
12月31号同同事去饮茶，明白今日都多人饮茶，侍应会好忙，但等左一阵，最尾3个同事一齐举手示意先等到先有人接我地张点心纸🙂。
大约12:40左右落单，中途都催过2次，13:13先有3笼点心，陆续到13:31先上埋xo酱炒肠粉同鱿鱼须。仲有个椒盐豆腐未黎🙂，侍应话出紧啦。有同事等唔切已经返左office先😓。
当我夹左几条肠粉，食完第一条准备食第二条𠮶时，见到好似有啲野，望真啲系只小曱甴🤬‼️即刻又举手叫侍应黎，又举左一阵先有人理，𠮶位staff A(事后听好似系做仓库，唔够人先出黎帮手)拎左我只碗走左去，跟住等左一阵又无人理🙂。椒盐豆腐仲未有影就叫人取消，想埋单走人。个staff A之后返黎话帮我地取消(应该意指取消肠粉)。
等埋单又等左一阵，然后staff B(应该姓蔡)同前面一枱客吹左下水先施施然行黎俾单我地睇。同事一睇张单仲有豆腐同肠粉无取消，加上侍应既态度同速度已经令我地好燥底。有曱甴既事完全无人道歉，或者follow-up，净系换左只碗想扮无事🙂。我地即刻同蔡小姐讲，蔡小姐表示佢唔知，唔需要受我地气，叫我地直接揾经理，然后就走左去。
我地坐多左一阵都唔见经理。𠮶时已经差唔多2点，唔想再等所以直接出去收银揾经理。经理再出单睇都系无取消2样野，佢声称完全唔知咩事，亦无谂住理我地。后来有另一个男经理(?)有认真听，再叫左店长May姐同收我碗野既staff A出黎。
店长开头都好声气，话蔡小姐态度系咁，我地一头问号。服务系咁西就老冯唔使做？第一次听叫客自己去揾经理。店长话做番个六折同免茶芥(但仲有12%服务费😁)。扰攘完一轮最后free左，但店长系即刻劲大声讲「多谢两位靓女光临！欢迎下次光临！三鞠躬俾你！」blablabla，听到呆左！乜野三鞠躬？可能觉得我地系R免费饭食做西客，所以特登讲大声啲想俾人知🙂。
好老实讲如果普通酒楼，都知道总系有啲污糟，free左呢碟，讲声唔好意思我都无问题。依间系上菜慢，staff态度又差，完全想扮无事发生🤬🤬🤬。
张贴
