合益泰小食

营业中

休息中

深水埗嘅饮食业近年发展蓬勃，百花齐放，几年间就成为咗平民米芝莲集中地。讲到平民美食就不得不提猪肠粉、车仔面、鱼蛋、烧卖。以上美食都可以响合益泰揾到，作为平民小食店，佢唔系每样都系咁出色。坦白讲除咗肠粉外，其他水准好一般，所以今日集中讲佢嘅肠粉 。堂食要排队，每次要等几耐吓。如果净系食肠粉就最好立食，唔驶等。肠粉分大、中、细碟，分别系$10/5条、$12/6条、$16/8条（即$2/条），绝对街坊价。肠粉比坊间嘅幼啲，质感实净有弹性，配以特制嘅香滑芝麻酱、豉油、甜酱、辣酱，每条肠粉沾上酱汁，入口滑嘟嘟，一口接一口。一碟大肠粉转眼食完仲想食。讲开酱汁，佢比坊间嘅稀，芝麻酱超香浓，放耐咗都唔会黏埋一嚿咁。如果外卖就最好自备食物盒，酱汁一滴不漏最后有个小提议：店舖对面系鸭寮街公厕，侧面有坑渠，夏天嚟食都几有「味道」，建议夏季入舖堂食，立食就最好秋冬季嚟会好啲。