強記美食

营业中

休息中

食完西班牙菜，有点饱亦有点腻，要食下甜品中和下。我和T先生想食中式糖水，但在湾仔区既选择唔太多，抱住唔食都冇咩问题既心态由湾仔行去铜锣湾，突然比我谂起强记美食，于是😁😁已经9点多，入座率都有7-8成。粥和炒面已经售罄，T先生想食啲小食，于是拣左香煎虾米肠粉。肠粉有煎过系香口啲，再混入甜酱，令人好想食落去😆糖水呢～～我拣左腐竹薏米糖水腐竹煲烂晒成奶白米色，系我钟意既口感，内里有煲腍既薏米，略嫌薏米少左啲；甜度适中，腐竹味/豆味算浓😇 我几钟意😊T先生拣香草陈皮绿豆沙 — 豆多足料，而且煲到起晒沙，食到陈皮阵阵香草味，而且不会过甜，我地都好钟意强记美食由车仔档开始，由2016年起到依家，年年都入米芝莲推介，价钱合理，味道亦不错，所以都keep住有人帮衬。