黑龍

营业中

休息中

放假同肥髀四围逛，中午时分去到湾仔， 今日唔系假期，好多办公室人员放饭，预咗要等，我同肥髀去到门口，见前面有5个人排紧队，排15分钟到我们入座！ 店内好黑，比较窄，我们被安排坐吧枱位（英文店员问咗我们唔介意嘅）吧枱有日式档布，日式拉面格局， 餐牌极简单，剔好比店员落单！食物好快到！ 黑龙豚骨拉面（$88）卖相正常，啲汤味浓但太杰，好似胶水，而且汤唔够多，加埋追加嘅面之后，完全捞唔匀，所以好淡，唔够味，幼面弹牙，叉烧肉粉红色，仅仅熟，所以好嫩，竹笋爽口微辣，好味青葱爽嫩，味道好但都系比啲汤太胶水破坏整体感觉！ 玉子（$12）蛋白好软滑，蛋黄半生熟，好正！蛋味浓 紫菜（$12）好像潮州炸嘅紫菜，浸汤之后好香（但就令啲汤更少） 追加面底（$12）致命系汤唔够，一加面就太淡！最后食唔晒，浪费咗啲弹牙嘅面！ 饺子（$38）5只饺子，煎得金黄色，皮烟韧，肉馅唔多，味道好但太多油，碟底全部都系油，点埋淡酱油加辣油好味！食物有啲失望，店员勤快，上菜有礼，不过唔够细心，好像我点咗加面，要我问先知道要通知店员先会上（我同肥髀分享，所以要即刻上加面）不过店员又有问我饺子要唔要辣油，我要求另上（因